Danksy ‘n span bekwame gekwalifiseerde onderwyseresse met baie jare se ondervinding, kan Pre-Primêre Skool Haas Das spog met suksesse wat ons reeds behaal het. Ons is tans besig met CAPS.

Die kurrikulum vereis dat ouers ook betrokke is by die leerstof en die leerproses.  Kreatiewe denke, oorspronklikheid en lewensvaardighede word ontwikkel.  Kleuters leer om in groepe te funksioneer en sodoende maklik by ‘n laerskool aan te pas.

Hier word genoeg geleentheid gebied vir groeiende kleuters om al hulle spiertjies d.m.v. Groot Motoriese bewegings te ontwikkel.

Hulle kry die geleentheid om vrye en kreatiewe denke en beweging te ontwikkel d.m.v. al die verskillende bewegingsaktiwiteite. 

Grootspierontwikkeling vind plaas d.m.v. balspele, toue, hoepels en die klimleerstel.  Aanleer en deelname aan tradisionele speletjies geniet ook groot byval by die kleuters.

Hier word dit vir die kleutertjies moontlik gemaak om “kleur” aan die lewe te gee – deur die gebruik van die allermooiste en nuutste media tot hul beskikking waarmee “Spog werk” gemaak kan word.

Dit  bevorder kleinspier – koördinasie asook kreatiwiteit.  Hulle leer handvaardighede aan en eksperimenteer met interessante en kleurvolle media.  Genot word voorop gestel by alle aktiwiteite.  Let Wel: Die eindproduk is nie belangrik nie.

Persepsie vorm die basis van u kleuter se gereedmaking vir lees, skryf en wiskunde.  Kleuters kry geleentheid om deel te neem aan wetenskaplike eksperimente om sodende hulle leefwêreld te ontdek.  Alle perseptuele aspekte van die kleuters se ontwikkeling word aangespreek en bevorder. 

Tas, smaak, reuk, visuele en ouditiewe persepsie lesse word deurgaans volgens vordering aangebied.  Kleuters met moontlike uitvalle word geïdentifiseer en remediëring vind deurgaans plaas.  Kleuters word gelei om vrae te vra, dinge te ondersoek en gevolgtrekkings te maak.

Hier leer hulle allerhande oulike liedjies d.m.v. musiek en beweging.  Deur middel van musiekaktiwiteite leer die kleuters om vrye en kreatiewe denke en beweging te ontwikkel, omdat musiek en beweging die enigste vak is wat linker- en regterbreinstimulasie gelyktydig bevorder.  Die vak sluit ook musiekwaardering, beluistering, slagorkes en musiekpersepsie in. 

Graad R (voorskoolse klasse) word onderrig in die hantering en bespeling van Orph instrumente.  Kleuters kry die geleentheid om te eksperimenteer met ‘n groot verskeidenheid musiekinstrumente.  Hulle leer om ‘n liefde vir klassieke musiek te ontwikkel en met aandag daarna te luister en om musiekstories te beleef en te vertolk.

Klein spierkoördinasie word ontwikkel deur klein handjies te leer om kombuisgereedskap korrek te gebruik en om higiënies met kos te kan werk. 

Om volgens ‘n resep die regte bestandele te kan afmeet en die regte metodes te volg bv. roer, klits, rol ens.  Daar wordk ook eenvoudige wiskunde begrippe vasgelê.

Om al die mooi waarhede wat hierin opgeteken is vir die kleintjies te ontsluit – want Hy sê: “Laat die kindertjies na my toe kom, verhinder hulle nie, want aan hulle behoort die koninkryk van God.”

Taalontwikkeling word spelenderwys aangeleer.

Die kinders se taalontwikkeling word bevorder en hulle leer om te konsentreer en ‘n liefde en respek vir storieboeke te kweek.  Hulle algemene kennis word ook uitgebrei.

Die doel hiervan is om ‘n liefde vir poësie aan te kweek en te waardeer.  Slegs sommige oulike versies word gememoriseer.

Hulle dramatiseer stories om uiting te gee aan hulle gevoelens.

Deur middel van oop vrae word kleuters se kennis en woordeskat uitgebrei i.v.m. die tema van die siklus.

Buiten die bogenoemde periodes het kleuters ook die volgende wat deel vorm van die sewe dag siklus:

-Waterspel

-Legkaarte

-Fantasiespel